Wikia

Psychology Wiki

An:Sicolochía

34,200pages on
this wiki
Talk0

Sicolochía, d'o griego psique (ψυχη): alma y logos (λογος): tratau, zenzia. Senifica zenzia de l'alma, sin dembargo, autualmén li'n conzeutualiza como l'estudio de:

  1. O comportamiento d'os organismos indibiduals en interaizión con o suyo ambién.
  2. Os enantos mentals d'os indibiduos.
  3. Os enantos de comunicazión dende lo indibidual a lo microsozial.

A mayor parti d'os estudios se reyalizan en sers umáns. Sin dembargo, ye abitual l'estudio d'o comportamiento d'animals, tanto como un tema d'estudio en sí mesmo (beyer cognizión animal, etolochía), como ta establir meyos de contimparanza entre espezies (sicolochía contimparatiba), punto que asobén resulta controbersial.

A Sicolochía como campo d'estudios s'ha mobiu tanto por camíns zentificos como no zentificos. A sicolochía replecata como zenzia alazetal u esperimental, se enmarca en a tradizión positibista, emplegando o metodo zentifico de concarar ipotesis, con bariables cuantificables en contestos esperimentals, y clamando antimás a atras arias d'estudio zentifico ta exemplificar millor os suyos conzeutos. Pero no todas as rechiras en sicoloxía siguen o metodo zentifico clasico. Dende una prespeutiba más ampla, y replecando a sicolochía como una parti d'as Zenzias umanas u Sozials, á ormino s'emplegan metodolochías cualitatibas de rechira, que enriquexen a descrizión e entrepitazión d'enantos que, por meyo d'a prebatina clasica, resultan más difízils d'abastar, sobre tot en redoladas clinicas. En l'atra estrimera, bels sicologos (a sicolochía umanista por exemplo) arriban más luen refusando de raso l'emplego d'amanamientos zentificos.

Dende atra prespeutiba, a Sicolochía estable un campo d'estudios entremeyo de "lo biolochico" y "lo sozial". En cuanto a lo biolochico , anque a Sicolochía no embreca sino que l'estudio d'os fenomens d'o sistema nierbudo, terne que terne y en a mesura que a repleca d'o funzionamiento d'o zelebro y l'esmo han enantau, os aportes d'a neurobiolochía se han ito encorporando a la rechira sicolochica, a trabiés d'a neurosicolochía y as neurozenzias cognitibas.

En cuanto a lo sozial, a Sicolochía prolarga d'a soziolochía, l'antropolochía, l'economía y as zenzias politicas, en a mesura en que o suyo oxeto d'estudio ye o comportamiento indibidual y o de collas chicotas en interrelazión, más que de collas meyanas u grans coleutibidás d'indibiduos (culturas u sociedaz).


Beyer tamién Edit

Temas relazionaus Edit

Enlaces externos Edit

ar:علم النفس ast:Psicoloxía bg:Психология bn:মনস্তত্ত্ববিদ্যা br:Psikoloji bs:Psihologija ca:Psicologia cs:Psychologie csb:Psychòlogijô cy:Seicoleg da:Psykologi de:Psychologie el:Ψυχολογία en:Psychology eo:Psikologio es:Psicología et:Psühholoogia fa:روان‌شناسی fi:Psykologia fr:Psychologie fur:Psicologjie ga:Síceolaíocht gl:Psicoloxía he:פסיכולוגיה hi:मानस शास्त्र hr:Psihologija hu:Pszichológia ia:Psychologia id:Psikologi io:Psikologio is:Sálfræðijv:Psikologi ka:ფსიქოლოგია ko:심리학 ku:Psîkolojî ky:Психология la:Psychologia lad:Psicolojiya lb:Psychologie li:Psychologie lt:Psichologija lv:Psiholoģija mk:Психологија ms:Psikologi nl:Psychologie nn:Psykologi no:Psykologipt:Psicologia ro:Psihologie ru:Психология scn:Psicoluggìa simple:Psychology sk:Psychológia sl:Psihologija sq:Psikologjia sr:Психологија su:Psikologi sv:Psykologi th:จิตวิทยา tl:Sikolohiyauk:Психологія vi:Tâm lý học war:Psikolohiya zh:心理学

Around Wikia's network

Random Wiki